الأحد, يناير 01, 2012
أشرف بدري الزليتني
هموووووووووووم مصريه
أنا اللي طول عمري في الدنيا رافع رأسي
مجد وتاريخ وحضارة والعلم نبراسي
يد تبني وتعلى وعيون بتحرس ويد شيل فأسي
أنا مينا وأتون وكلاهما " وحد " أوعى تكون نأسى
أنا مهبط الأديان عيسي ومحمد في صلاتي وقداسي
مالك ايامى وجعك المرة دى طال
كانت أزمتك بالليل والصبح تصبحى عال
ايه اللى جري وحصلك هو بختك مال
قالت ياولدى الحكايه مش فى البخت الخوف على العيال
من يوم ما قاموا بالثوره والدنيا مقلوبه
وما فيش يوم يعدي علينا الاتقوم زعبوبه
ومحدش قايل حاص ولاعيب والكل في غيبوبة
ثوراتي ديما في ستر بتعدي ويسترها يابني النوبه
نفسي الدنيا تهدي واقول خلاص اهي توبه
أصل ولادي كتار يتعدوا بالملايين
حتقول لمين اسكت يابني ولامين
كلهم على قلبي غاليين وحقدر ازعل مين
ازعل احمد ولا محمد ولاازعل جرجس وبنامين
ياولادى الدنيا دى غداره ماتفوقوا يا مصريين
خالينا فى الى ينفع وبلاش من اللى يضر
بلاش كل واحد فينا على رايه لازم يصر
متخلوش العياريفلت واللى يغلط يكون مضطر
بلاش ركوب الرأس والعناد وخلى السلاسة تمر
كل واحد فيكم يقول انا خايف على امى
محدش فيكم عارف فين آلمى وفين همي
واحد يقول الفلوس و التاني ضعف النفوس .. ياعمى !!
وجعتوا رأسي وكسرتوا ظهري وغميتوا عنيه
وأنا اللى طول عمرى أشيل همكم وبالغلب معنيه
ياولادى في ناس شر عايزه تقطع عليكم النور والميه
خلوا بالكم من الاغراب عايزين يعلموكم جسور ومعديه
لأغراض في النفوس دنيئه وتصورات وهميه
أوعوا تدوهم الفرصه واتحدوا دا الرك على النيه
كلمات / أبو الوفا هارون الصارف
Posted in: منوعات
0 التعليقات:
إرسال تعليق